2.8 milionë lekë ka vendosur Erion Veliaj të shpenzojë për mikrofonat e Bashkisë. Si në shumë raste kryebashkiaku shpenzon shuma marramendëse pa iu dridhur qerpiku për projekte qesharake. Këtë herë, bëhet fjalë për tenderin me Nr. REF-16805-12-30-2021 dhe me objekt ”Blerje pajisje për sistemin e fonisë në Këshillin Bashkiak”, që Bashkia ka vendosur në dispozicion plot 2, 805, 002,00 lekë .
Por përveç vlerës shumë të lartë, ky tender është zhvilluar në mes të një sërë shkeljesh ligjore. Së pari dhe shkelja që përbënë rrezik të hapur është fakti se për këtë tender nuk është zhvilluar një garë e mirëfilltë. Sipas dokumentit që ka shqyrtuar Gijotina.com evidentohet se në garë ka marrë pjesë vetëm një konkurrent, kompania “FREDI ELECTRONIC” sh.p.k dhe asnjë tjetër ofertë nuk është paraqitur.
Pra Bashkia ka abuzuar si me shumë tenderë të tjerë, normal për aq kohë sa paratë vilen nga taksapaguesit shqiptar. Pasi ligji për prokurimet kërkon që në rastet kur nuk ka ofertues tenderi anulohet dhe nënshkrimi i kontratës pa garë cenon konkurrencën si dhe lë hapësira për korrupsion. Sikur duket, ky rregull primat është anashkaluar nga Veliaj.
Ndërkaq më tuje vërejmë se kompania fituese ka paraqitur ofertën prej 2.7 milionë lekë, pra gati 99% sa fondi limit, gjë e cila sërish përbënë shkelje ligjore, pasi ligji kërkon që të merren parasysh ofertat me vlerë të ulët dhe sa më larg fondit limit. Pra, vetë dokumentet e publikuara nga Agjencia e Prokurimit Publik tregojnë se Veliaj shpenzon 2.8 milionë lekë me afera korruptive. E.H/Gijotina.com/
Discussion about this post