Kryetari i Bashkisë së Tiranës, Erion Veliaj, nuk i ndal sulmet ndaj FSHF. Duke folur sot në Komisionin hetimor parlamentar për inceneratorët lidhur me afatet për përfundimin e projektit, ai ka deklaruar se kjo i përket supervizorit të kontraktuar nga kompania koncensionare. Bëhet fjalë për Arben Dervishaj, që njihet si një nga njerëzit më të afërt të Armand Dukës, pasi është dhe anëtar i Komitetit Ekzekutiv të Federatës Shqiptare të Futbollit. Veliaj thotë se ai duhet të vijë të jap llogari këtu se ku i çon lekët bashkë me Dukën.
“Çdo punë publike ka një supervizor. Supervizori i kësaj pune publike quhet Arben Dervishi. Është ky i FSHF që vjedh zgjedhjet në Gjirokastër. Shyqyr zgjedhjet u pezulluan. Unë nuk jam tekniku i lavatriçes të merrem me bullona e me furrnalta. Unë jam kryetari i Bashkisë. Kam një detyrim që ta çoj mbeturinën deri te dera, të peshohet ndërkohë që ai po merr pa fund para, por ju s’flisni. Pse s’flisni për Ben Dervishin e Armando Dukës? Sepse ky njeri që është supervizori. Tani që gara për FSHF është pezulluar, ka kohë të përgjigjet edhe për këtë. Paguhet sa frëngu pulën, të japë llogari ku shkojnë lekët e supervizorit . Të vijë këtu si burrat e te mos shkojë koteceve, të vjedhë votat e FSHF“, tha Veliaj.
Ndërsa, kujtojmë se në kohët e fundit, Veliaj është përfshirë në mjaft skandale ku sulmon Armando Dukën dhe kërkon të ndërhyje në zgjedhjet e FSHF.
Discussion about this post