“Veliaj të martën në SPAK”, gazetari: Do bëhet vetë prokuror i çështjes së Inceneratorëve

Gazetari Enton Abilekaj, në një status në “FB”, shkruan se Erion Veliaj, pasi i ka ardhur fletëthirrja që të paraqitet në SPAK, doli sot në ekranin e tij për të lajmëruar, se gjoja do të shkojë vetë për të paraqitur prova.

Ai shton me ironi se Veliaj do të bëhet vetë prokuror i çështjes së Inceneratorëve.

“Kjo është e frikshme. Pasi mori fletëthirrjen nga SPAK që të shkojë të martën, Veliaj del 3 ditë përpara dhe deklaron që do shkojë vetë. Do u japë edhe zyra, edhe info, dosje, pra do behet vete prokuror i çështjes së Inceneratorëve”, shkruan gazetari.