Anëtari i kryesisë dhe i deleguari politik i PD për Tiranën Belind Këlliçi, ka reaguar ndaj mashtrimeve dhe gënjeshtrave të fundit të Erion Veliajt, ku pretendonte se ishte ofenduar me fjalën ‘ndyrësirë’ nga prokurori Ols Dado.
Pas reagimit të GJKKO, SPAK ka publikuar dokumentet zyrtare të GJKKO-së dhe transkriptin e mbledhjes, teksa thekson se kjo seancë është dhe e regjistruar me audio dhe në asnjë rast nuk është përdorur termi fyes ndaj Erion Veliajt.
Në bisedën e publikuar nga SPAK, shihet teksa prokurori e cilëson si kërcënim publikimin e adresës së banesës së tij nga kryebashkiaku Veliaj.
Në një postim në Facebook, ai e ka cilësuar Veliajn si një mashtrues kronik, që nuk ngurron të përdorë çdo mjet për të mbajtur pushtetin.
Sipas Këlliçit, propaganda e Veliajt ka arritur nivele të rrezikshme, duke tejkaluar edhe rastet më të rënda të manipulimit politik në të shkuarën. Ai e ka krahasuar gënjeshtrën e fundit të kryebashkiakut me historinë e trilluar të Griseldës së Kavajës, një rast që tronditi Shqipërinë vite më parë.
Reagimi
Vetëm një mashtrue kronik, patologjik dhe deluziv, mund të arrijë deri në këtë pikë! Më në fund qytetarët e Tiranës dhe mbarë Shqipërisë, po njihen me fytyrën e vërtetë të kreut të 5D.
Gënjeshtra e sotme, i’a kalon dhe historisë me Griseldën e Kavajës, që lëngonte e gjakosur nga kriminelët e Saliut, që i kishin çarë barkun, për ti hequr fëmijën…
Ky njeri duhet kuruar!!!
Discussion about this post