Bashkia Tiranë e ka nisur këtë javë më shkelje të ligjit në ditën me diell. Dy tenderë abuziv janë mbyllur në një ditë me firmën e Erion Veliaj, ku si në çdo raste janë përfshirë kompanitë e miqve të tij. Tenderi i parë është për blerje makinash për Drejtorinë e Konvikteve të Shkollave të Mesme. Tenderi me vlerë 10 milionë lekë është zhvilluar në shkelje të plotë të ligjit, duke filluar që nga mungesa e konkurrencës te problemet me dokumentacionin. Në dokumentet e tenderit, ku është shpallur fituesit, evidentohet sekanë shfaqur interes për këtë projekt si një e vetme bashkimi i operatorëve “Ligus”shpk – “Autovision” sha. Ndonëse ligji kërkon pezullimin e tenderit, Veliaj vetëm pak ditë pasi hapi garën shpalli fituese kompanitë në fjalë. Duke shkelur kështu ligjin për konkurrencën e lirë dhe ka krijuar hapësira për abuzim.
Ndërkohë, ajo që bie në sy është se në dokumentet e tenderit kërkohet licenca B2 për blerjen dhe shitjen e makinave. Por, në të dhënat për secilën kompani rezulton se asnjëra prej tyre nuk posedon këtë licencë. Madje kompanitë “Ligus”shpk – “Autovision” sha nuk zotërojnë asnjë licencë tjetër të nevojshme për të kryer këto shërbime. Kështu, Veliaj ka shkelur edhe njëherë ligjin pasi ka anashkaluar vetë kriteret e tenderit. Por, kjo ishte e pritshme për aq kohë sa fitues dolën miqtë e tij.
Kompania “Autovision” sha ka si administratore Loreta Beqaraj, por që pronari i vërtet është oligarku i njohur Behar Çukaj. Në të dhënat e grumbulluara rezulton se, B O L V – O I L SHA është kompania mëmë zotëruese e “Autovision” sha. Vetëm pak javë më parë Gijotina.com ka denoncuar një tjetër tender miliona lekësh, që Behar Çukaj mori pa garë nga Bashkia Tiranë si dhe numrin e lartë të tenderëve abuziv që ai përfiton përmes kompanive fiktive. Hapja e degëzimeve të tjera me emërime të ndryshme, për të marrë sa më shumë tenderë, është një nga skemat mashtruese që përdorin oligarkët e Veliajt.
Ndërkohë, kompania tjetër “Ligus”shpk gjithashtu nuk posedon asnjë licencë për të përmbushur kriteret e tenderit për shitjen e makinave. Kjo kompaninë që nga dita e regjistrimit në treg nuk ka përfituar shumë tenderi, por tashmë po kërkon në të gjitha mënyrat që të futet në listën e “të preferuarve” të Veliajt. Skema e parë që ajo po përdor është marrja pjesë në tenderë në bashkëpunim me kompani që tashmë kanë zënë vend në treg. Ndërsa skema tjetër është duke aplikuar në shumë tenderë dhe në rast kur ndjen rrezik eliminimi ngre ankesa dhe padi, çka i shtojnë më shumë kosto një tenderi. Le të përmendim këtu rastin më të fundit tenderin e hapur nga ISNTAT për “censusin e ri”. “Ligus” në bashkëpunim me “Infosoft”, edhe pse kanë paraqitur oferta të shtrenjta dhe kanë mungesë licencash, kanë ngritur ankesa për rrëzimin e tenderit, si e si që të nxjerrin nga loja kompanitë më ofertat më të lira. Por, Veliaj me sa duket për të plotësuar dëshirën kompanisë “Ligus” i dha tenderin për blerjen e makinave.
Tenderi 73 mln lekë pa garë
Sikur theksuam prej fillimit në të njëjtën ditë Veliaj ka nënshkruar edhe një kontratë tjetër me vlerë 77 milionë lekë. Bëhet fjalë për tenderin me objekt “Blerje aparate reader për kryerjen e leximeve te ujëmatëseve”, i cili gjithashtu është zhvilluar në mungesë të konkurrencës sikur e kërkon ligji. OpenData Albania e ka renditur këtë tender në listën e kontratave me “redflag” për shkak se janë skualifkuar pa argumente kompanitë e tjera dhe është lënë në garë vetëm kompania “ATOM” sh.p.k.
Ndërkohë, një tjetër shkelje rezulton fakti se kjo kompani ka paraqitur ofertën më të shtrenjtë se të tjerat, me vlerë 7 468 000,00 milionë lekë, pra sa 94% e fondit limit. Gjithashtu, më tuje në dokumente evidentohet se kjo kompani nuk ka licencë për të kryer shërbimin që kërkon Bashkia Tiranë.
Sakaq, vlen të kujtojmë se nuk është hera e parë që kjo kompani përfiton tendera pa garë dhe për më tepër në shifra të larta. Përmendim këtu tenderin 4 miliardë lekë që mori “ATOM shpk” nga AKSHI, me objekt përmirësimin e rrjetit të IT në shkolla, kur në fakt shumë shkolla nuk e kanë funksional kabinetin kompjuterik. Edhe pse paraqiti ofertën sa 90% e fondit limit, edhe pse nuk gëzon një licencë për shërbim IT, ky subjekt u shpall fitues pa u zhvilluar asnjë garë. Në këtë taktikë janë marrë pjesa më e madhe e tenderëve nga ATOM shpk” dhe qeveria vazhdon ta favorizojë. Ndërsa, ndaj Veliajt tashmë duket të kishte nisur një hetim së pari, për faktin që lë një shërbim në duar të kompanive të pa licencuara dhe së dyti që po cenon hapur konkurrencën në treg/E.H/ Gijotina.com/
Discussion about this post