Kryetari i Partisë së Lirisë, Ilir Meta ka denoncuar “asfaltin elektoral” që po përdor kryetari i Bashkisë Tiranë Erion Veliaj.
Meta është shprehur se këto shfaqje bajate janë si pasojë e dëshpërimit të thellë të rilindjes nga humbja e jashtëzakonshme në zgjedhjet e 14 majit.
“Një nga ato shfaqjet më bajate që tregon dëshpërimin e thellë të rilindjes. Në rrugën “Besa” Njësia Nr. 8 për 30 vite nuk është vënë dorë. Tani nga tmerri i 14 majit dhe votës së ndëshkimit vrapohet për të hedhur një asfalt pa trotuare pa kanalizime pas asnjë lloj transparence sepse duhen justifikuar vjedhjet e fundit në prag të ndryshmit me 14 maj”, shkruan Meta krahas një videoje të postuar.
Discussion about this post