Ndërsa qytetarët e Tiranës po paguajnë gjithnjë e më shtrenjtë për shërbime që i marrin pa cilësi, kryebashkiaku bën shpenzime luksi. Ditën e djeshme Erion Veliaj ka hapur garën për tenderin me numër reference REF-44438-10-04-2022 dhe objekt “Blerje pajisjesh për zyrat”.Kemi publikuar më parë tenderë të Veliajt miliona lekëshe për suvenire, llamba dhe mikrofona për bashkinë, këtë herë një shumë e madhe parash do të shkojë për karrige dhe komodina.
Në dokumente thuhet se, për këtë prokurim do të shpenzohen 37. 497. 780,00 lekë të reja ose 40 milionë lekë të vjetra. Gara do të mbyllet me 20 tetor dhe fituesi do të përfitojë kontratën për 3 vitet e ardhshme. 40 milionë lekë për mobilie në kohë krizë është një hap i pamatur dhe abuziv, por Veliaj me sa duket i pashpresë për tw fituar në zgjedhjet e ardhshme, harxhon edhe paratë e fundit nw arkën e bashkisë.
Karrige me stil modern
Sakaq, ajo që bie në sy në dokumentet e tenderi janë pajisjet që do të blejë kryebashkiaku me këto para. Janë renditur pajisje nga më të ndryshmet duke filluar nga karrige, tavolina, mbajtëse çadrash, varëse rrobash e deri te sirtarët. Të gjitha këto mobilie nuk mungojnë në zyrat e Bashkisë, por Veliaj duket se është mërzitur me arredimin që ka dhe kërkon një stil modern. Veliaj kërkon dy lloj karrigesh. Ka kërkuar numë më të lartë të karrigeve që rrotullohen, duke theksuar se duhet të jenë të përshtatshme për shpinën.
“Me tapiceri prej lëkure ekologjike, me shpinore të lartë. Me një mekanizëm që lejon fiksimin e pozicioneve të ndryshme të përshtatshme në ulje. Shpinorja duhet të jetë e përshtatshme në pozicionet vertikalisht si dhe para e prapa”, kërkon Veliaj përmes këtyre kritereve shumw tw detajuara. Me sa duket këto karrige i do për zyrën e tij dhe për njerëzve që i konsideron krah të djathtë. Ndërsa për punonjësit e tjerë ka porositur karrige të tjera.
Por edhe për këtë porosi ka theksuar që të jenë më stil modern. “Karriget të jenë dizenjuara me një stil modern. Me skelet metalik prej tubash çeliku me profil oval 30 x15 mm me spesor jo më të vogël se 1.3 cm me lyerje elektrostatike në temperaturë 240˚C”, thuhet në dokument. Ndërsa më tutje Veliaj vazhdon me kërkesa si varëse rrobash dhe mbajtëse çadrash, duke vënë edhe aty kritere të veçanta. Kjo pasi “Lali Eri” e do zyrën me stil modern.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post