Drejtuesi politik për PS në qarkun e Tiranës Erion Veliaj,ka dhënë një deklaratë për mediat pas publikimit nga KQZ të rezultateve të para të njësisë numër 10.

Në fjalën e tij, Veliaj falënderoi veçanërisht Fatmir Xhafajn, i cili ishte kandidati më i votuar në njësinë 10. Po ashtu ai dha një mesazh që të gjithë jemi bashkë dhe do iu shërbeje njësoj dhe për ata që votuan kundër Partisë Socialiste.

“Fitorja jonë në njësin numër 10. Një falënderim i veçantë për Fatmir Xhafajn. Kemi kaluar një natë të gjatë. Po përgatitemi për fitoren në 42 njësi të Tiranës. I ftoj ata që janë duke numëruar të vijojnë procesin.

Kishim zgjedhje të shkëlqyera dje, ta pranojmë rezultatin të gjithë. Dua të shpreh angazhimin edhe të kryetarit të PS, Edi Rama dhe i ftoj numëruesit të vijojnë procesin.

Për të gjithë ata që na dha në një fitore në njësinë 10 i falënderoj nga zemra, për ata që s’ na votuan do ju shërbejmë njësoj do jemi aty pavarësisht vullnetit  të tyre.

Ka ardhur koha t’iu shtrijmë dorën atyre që kemi përballë kemi më shumë gjëra që na bashkojnë se sa na ndajnë ne të gjithë jemi një . Nga mbyllja e kësaj fushate dua ti ftoj në një fushatë tjetër një fushatë përfaqimesh, vllazërmi. Mezi pres nga mbyllja e kësaj fushate për të pasur mandatet për të qeverisur, do të doja të nisim një tjetër mandat, një fushatë vëllazërie për të punuar bashkë.”, tha Veliaj.