Çudirat me tenderat e kreut të Bashkisë së Tiranës, Erion Veliaj, nuk kanë fund. Së fundmi, rezulton se ky institucion ka pasur nevojë të blejë pajisje elektroshtëpiake si, lavatriçe, frigorifer apo deri televizor për një arsye mjaft të habitshme. Duket se këto pajisje do të nevojiten për të përballuar situatën e tërmetit. Nëse e ka fjalën për tërmetin 26 nëntorit 2019, natyrisht është pa kuptim pasi kanë kaluar 3 vjet.
Në datën 4 korrik, Bashkia Tiranë ka hapur tenderin me numër reference REF-31514-06-01-2022 dhe qëllimi i tij është për “blerje pajisje elektroshtëpiake në ndihmë të përballimit të situatës së tërmetit”. Tenderi ka fondin limit prej 5,179,086 lekë të reja pa TVSH, ose rreth 60 milionë lekë të vjetra me TVSH. Pra, Veliaj do të shpenzojë 60 milionë lekë të vjetra për të blerë pajisje elektroshtëpiake në ndihmë të përballimit të situatës së tërmetit, kur tërmeti ka 3 vite që ka ndodhur.
Vetëm nëse bëhet fjalë për ndonjë tërmet që e di vetëm Veliaj, edhe atëherë habia është se nga e ka marrë vesh këtë informacion se do të ndodhin së shpejti? E normalisht kur çudia hyn në mes, kuptohet që një tender i tillë ka shërbyer vetëm për të mbushur xhepat e miqve të Veliajt. Këtë në e vërteton edhe kompania që e ka marrë këtë tender, e cila është një nga fituesit më të mëdhenj të tenderëve nga buxheti i shtetit në lidhje me pajisjet elektronike dhe jo vetëm.
Këtë fakt e shohim edhe tek procedura që është gjithashtu i dyshimtë pasi kanë marrë pjesë vetëm dy kompani, “PC STORE SH.P.K” dhe “BUNA SH.P.K”, ku kjo e fundit ka nuk ka paraqitur ofertë. Pra, edhe këtu ngrihen dyshime se kompania “BUNA SH.P.K” mund të ketë marrë pjesë në garë fiktivisht, sa për të thënë se është bërë gara, pasi është e çuditshme që një kompani të marrë pjesë në tender dhe mos të paraqes ofertë. Rrjedhimisht fituese është shpallur ajo që ka paraqitur ofertën e që në këtë rast bëhet fjalë për kompaninë “PC STORE” në pronësi të Elton dhe Vitator Mehmeti të cilët janë shpallur fitues me ofertën e tyre me vlerë 4,877,400 lekë të reja pa TVSH, vlerë e cila është sa 94.17% e fondit limit.
Nuk dihet se për cilin tërmet e ka Veliaj, por është e kuptueshme se tërmetit të tenderëve në shkelje të rregullave të prokurimit publik, Lali Eri nuk i ndahet.
Discussion about this post