Vëllai i Pol Pogbasë, Matias ka shokuar me një deklaratë për mesfushorin francez, ku është shprehur se do të tregojë çdo sekret të tij. Duket se ai e ka mbajtur fjalën e tij dhe është shprehur së fundmi me disa deklarata ku akuzon rëndë vëllain e tij për tradhti.
“Tani Poli e tregoi fytyrën e tij të vërtetë. Nuk ka të bëjë për para. Unë rrezikova të vdisja vetëm prej teje, ti më le vetëm dhe u hoqe si i pafajshëm. Kur të gjitha gjërat të thuhen, të gjithë do ta kuptojnë se në këtë botë nuk ka njeri më frikacak, tradhtar dhe egoist se ty”, ishin fjalët e Matias.
Gjithashtu ai foli dhe për Mbappe , siç e përmendi në videon e parë, por nuk kishte asgjë të keqe kundër tij.
“Nuk kam asgjë negative kundër teje. Nëse po flas e kam për të mirën tënde, çdo gjë është e vërtetë. Më vjen keq për këtë vëlla, një mysliman që beson thellësisht në magji. Nuk është kurrë mirë të kesh në krah një hipokrit dhe një tradhtar”, përfundoi Matias Pogba.
Discussion about this post