Armando Bengaj, vëllai i Sabrina Bengajt, 23-vjeçares që u vra nga bashkëshorti i saj Elton Metaj ka dalë sot të kërkojë drejtësi për të motrën.
I pranishëm në sheshin e Tiranës, bashkë me qytetarët e tjerë, Bengaj tha se mjeku në burgun e Zaharisë ua kishte punuar pas shpine pasi Metan e kishte nxjerrë me probleme të shëndetit mendor, në mënyrë që të lirohej nga burgu.
“Ata janë fajtorët që e nxorën nga burgu at nga burgu atë. Edhe ai doktori në burgun e Zaharisë që gjoja ka qenë i sëmurë, ai ka qenë një dhelpër që diti ta luajë mirë rolin. Na i punoi shumë bukur, neve. Na i punoi mbrapa krahëve,”- tha ai ndër të tjera.
Protesta në kryeqytet nisi rreth orës 18:00 te Ministria e Brendshme, pranë zonës së pedonales. Disa nga mesazhet në pankartat e protestuesve janë: “Përgjegjësi për vrasjen e Sabrinës”, “Ngremë zërin dhe kërkojmë përgjegjësinë për çdo viktimë”, “Vrasja e grave është pandemi. Ku janë vaksinat?”, “Bëhu burrë, divorcohu!”
