Një nga të mbijetuarit nga lufta në Ukrainë është edhe vëllai i historianit dhe një nga themeluesit e LDK-së, Jusuf Buxhovi, Bashkim Buxhovi. Sot në ditë e pestë të sulmeve të pandalshme ndaj Ukrainës, Buxhoviu ka arritur të largohet nga Kievi.
Lajmin e ka bërë të ditur historiani me anë të një postimi në profilin e tij në Facebook. Ai tha se vëllai i tij është larguar në drejtim të Perëndimit. “Ma në fund një lajm shpresëdhënës nga Ukraina. Im vëlla, shkrimtari Bashkim Buxhovi, ia doli që të largohet nga Kievi në drejtim të Perëndimit… Urojmë që edhe hapat e fundit drejt shpëtimit, në kufirin Ukrainë-Hungari, t’i përballojë sa ma parë…”, shkruan Jufuf Buxhovi.
Burime bëjnë me dije se, Bashkim Buxhovi kishte mbetur i ngujuar në një bodrum bashkë me gruan dhe vjehrrën, teksa dy fëmijët e tij ishin janë nisur drejt Polonisë.
Discussion about this post