Deputeti Adriatik Alimadhi ka reaguar sot në lidhje me lajmet që qarkullojnë për vëllain e tij Fatos Alimadhi, i cili pak ditë më parë u arrestua për mashtrim dhe shpërdorim detyre. Por, sot gjykatat vendosi lirimin e tij dhe vetëm detyrim paraqitje dhe referuar këtij vendimi Adriatik Alimadhi thotë se drejtësia foli për vëllain e tij. Përmes një postimi në rrjetin social Facebook ai shprehet kanë qenë disa media dhe portale të cilat e kanë ekzagjeruar situatën, por vëllai i tij është i pastër.
Sakaq, i revoltuar ai shprehet se askush nuk mund të bëjë pis atë dhe emrin e familjes së tij. Duke theksuar se punojnë me nder ashtu sikur ua kanë trashëguar të parët e tyre këtë parim.
“Me lejoni te shpreh keqardhjen tim për te gjitha ato port-hale – kur thotë ish kolegu im Myslim Murrizi, i cili ka te drejte në ketë rast-, një përçmim të një pjesë të shoqërisë shqiptare e cila këto ditë kë vjellë vrerë në mënyrën më të padrejtë ndaj meje, vëllait dhe alternativës tonë politike. Nuk me bëni kurrë pis mua personalisht, vëllain dhe familjen time, jemi edukuar nga të paret tanë me nja kulture tjetër, respekt dhe dashuri ndaj njeri-tjetrit, te duam familjen, të respektojmë mikun por te duam kombin, dhe historikisht e kemi mbajtur ketë tradicionalitet dhe amanet te të parëve tanë. Nuk kemi kërkuar kurrë merita, por kuptoni nja gjë shumë te rëndësishme OR TE MJERE;VELLAI ESHTE VELLA, dhe jam krenar qe kam një vëlla që nuk trembet, nuk tërhiqet para askujt, por i jep force ligjit dhe zbatimit te tij”, shkruan ai.
Më tutje Adriatik Alimadhi i kërkon qeverisë që e Dhomës Kombëtare të Shërbimit Përmbarimor Gjyqësor Privat të nisin sa më parë procedurat për shkarkimin e kryetarit të shërbimit përmbarimor privat për kërcënimet që i bënë përmbaruesve dhe institucioneve të shtetit.
Discussion about this post