Thomas Markle Jr., vëllai nga babai i dukeshës së Sussex, e kritikoi sërish ashpër motrën e tij në emisionin “Big Brother VIP”, ku është konkurent. Ai u shpreh se të dy ata kanë qenë mjaft të afërt përpara se fama “ta tjetërsonte Meghanin krejtësisht”.
“Herën e fundit që e kam parë ka qenë në varrimin e gjyshes, ka shumë vite. Pastaj shkoi në Kanada. Ishim të afërt në fillim, por paratë e ndryshuan. Paratë dhe fama. Ndoshta kështu ndodh kur hynë në atë lloj bote, ndërkohë që përpara nuk kishte asgjë”, është shprehur ai.
Thomas Jr. shtoi më tej se nuk e imagjinon dot sesi arriti Meghan të shtinte në dorë një princ, ndërkohë që tha se dhe ish bashkëshortin, Trevor Engelson, e trajtonte shumë ftohtë.
