Një ngjarje e rëndë ndodhi pasditen e djeshme në Tiranë, ku Arsen Muskurti vrau vëllanë dhe kunatën e tij me armë zjarri. Ngjarja dyshohet se ndodhi pas konfliktit për pronat, ndërsa vrasja u krye brenda agjencisë imobilare që ishte në pronësi të çiftit.
Ndërkaq detaje të reja janë zbardhur nga kjo ngjarje e rëndë që tronditi vendin. Mësohet se para katër ditësh se të ndodhte ngjarja çifti i bashkëshortëve kishin trokitur në derën e gjykatës duke kërkuar urdhër mbrojtje nga Arsen Muskurtui.
Mësohet se Dritan Muskurti kërkoi urdhër te menjëhershëm mbrojtje, me datë 26 gusht, duke pretenduar se vëllai i tij, Arseni ishte bërë shqetësim për të e familjen.
Gjyqtarja Majlinda Dogga kishte caktuar datën 6 shtator për të shqyrtuar pretendimet e dy vëllezërve, por tashmë kërkesa do të pushohet, përderisa 44-vjeçari Muskurti baba i 3 fëmijëve u ekzekutua bashkë me gruan e tij Nora nga i vëllai.
Neës 24 mëson se dy vëllezërit po përballeshin në gjykatën e Tiranës edhe në një tjetër proces civil.
Në 2021, Dritan Muskurti iu drejtua gjykatës së Tiranë me një padi civile përmes së cilës kërkonte që vëllai, Arseni që njihet edhe me emrin Hamza t’i kthente një shumë prej më shumë se 17 milionë lekësh.
Babai i 3 fëmijëve kërkonte që vëllai t’i paguante edhe interesat mbi këtë shumë nga tetori i 2018 deri në zgjidhjen e çështjes. Padia po shqyrtohej nga gjyqtarja Antonela Prendi. Policia ka dyshime se ky proces ka agravuar me tej marrëdhëniet mes dy vëllezërve, të cilët fillimisht e kishin sëbashku biznesin e agjencisë turistike.
Discussion about this post