“Abissnet Superiore” ditën e sotme do të luajë 3 ndeshjet e javës së 12-të të saj, teksa në fushën e lojës do të zbresin 6 skuadra. Të gjitha takimet e ditës së sotme do të luhen në orën 13:00.
E gjithë vëmendja e kësaj ditë do të jetë te klasikja e Shqipërisë, ku Tirana do të presë në “Selman Stërmasi” skuadrën e Vllaznisë. Një duel mjaft i rëndësishëm për të dyja ekipet të cilat në tabelën e klasifikimit i ndajnë vetëm 3 pikë, ndaj kjo përballje cilësohet një sfidë për “kreun”.
Mirel Josa ka kërkuar një tjetër skuadër si ajo ndaj Kukësit, ndërsa ka theksuar se nuk do përsërisin gabimet që kanë bërë. Ndërkohë nga ana tjetër pas marrjes së kreut, Orges Shehi do të kërkojë ta mbaja atë dhe ndaj shkodranëve tenton vetëm 3 pikët.
Për këtë duel tekniku i kryeqytetasve ka vetëm një mungesë dhe është Ardit Deliu, i cili ka ndjerë dhimbje në kofshë ditët e fundit dhe pritet të zëvendësohet kokë më kokë me Vesel Limaj, ndërsa trajneri i shkodranëve ka luksi e zgjedhjeve të më të mirëve, pais fatmirësisht nuk ka mungesa.
Formacionet e mundshme:
Tirana: Bekaj, Toshevski, Najdovski, Behiratche, Ismajgeci, Kallaku, Aleksi, Limaj, Hasani, Xhixha, Patrick. Trajner: Orges Shehi
Vllaznia: Zogovic, Gurishta, Juric, Bulatovic, Hakaj, Alivoda, Boshnjaku, Jonuzi, Mala, Aralica, Marku. Trajner: Mirel Josa.
Discussion about this post