Saraqinishti, është një nga zonat rurale më me potencial turistik në Gjirokastër, por prej vitesh ndotja është në nivele alarmante. Prej mungesës së koshave të mbeturinave, përrenjtë e fshatit që ndodhet pranë qytetit atik të Antigonesë janë tejmbushur me mbeturina. Pedagogu Vasil Bakuli, i cili banon në këtë fshat thotë se pushteti vendor duhet të marrë masa sa më parë. Kjo zonë me dhjetëra kulte fetare, monument kulture vizitohet nga shumë turistë. Këto ditë janë kthyer nga emigracioni dhe disa banorë për pushime. Një prej tyre ndjejnë keqardhje kur sheh kaq shumë mbeturina.
“Unë jetoj në Greqi dhe ky është viti i katërt rresht që unë vij në fshat për të takuar të afërmit e mi, konkretisht gjyshërit. Unë personalisht ndihem shumë keq kur kaloj rrugës së kroit dhe shikoj që kjo zone e gjelbëruar është e mbushur me plehra dhe mbeturina. Nuk është aspak e këndshme vizualisht dhe kjo gjendje nuk i leverdis as brezave të rinj që do të vijnë më vonë.”
Kritikon pushtetin vendor duke dhënë dhe I kërkon që fshatin mos e lërë pas dore.
“Mendoj se kjo situatë nuk i leverdis askujt madje sugjeroj të kryhen ndryshime rrënjësore në fshatin tonë, ku bashkia duhet të jetë në krye të kësaj nisme. Aty ku jetoj nuk kemi parë apo ndeshur asnjëherë një pamje të tille, sepse nga institucionet janë vendosur kosha, kjo duhet të ndodhë edhe këtu, pasi do të minimizonte ndjeshëm ndotjen e ambientit.”/ abcnews/
Discussion about this post