Në një kohë kur qytetarët po përballen me humbje të mëdha dhe nevojë për ndihmë emergjente, dy zyrtarë lokalë në Gramsh, Besmira Qose, Drejtoreshë e Shëndetit Publik, dhe Albert Ceci, Nënprefekt i zonës, janë fotografuar pranë zonave të përfshira nga flakët në një mënyrë që ka shkaktuar reagime të forta në opinionin publik.
Pamjet, të cilat po qarkullojnë në rrjetet sociale, i tregojnë ata në sfondin e zjarreve që kanë përfshirë qytetin, në një moment që është konsideruar i papërshtatshëm dhe pa ndjeshmëri për dramën që po përjetojnë banorët.
Zjarret e ditëve të fundit kanë shkatërruar dhjetëra shtëpi dhe kanë lënë pa strehë qindra familje. Në mes të kësaj situate të rënduar, shumë qytetarë janë ndjerë të fyer dhe të revoltuar nga prania dhe sjellja e dy zyrtarëve në ato pamje, duke e përshkruar ngjarjen me frazën e njohur: “Vendi digjet, shteti krihet.”
“Këto pamje janë të papranueshme. Njerëzit këtu kanë humbur gjithçka. Ndërkohë, përfaqësuesit e shtetit po sillen sikur kjo është një shëtitje apo sesion fotosh. Duhet përgjegjësi morale për këtë sjellje,” – ka deklaruar denoncuesi që ka shpërndarë fotot në rrjet./JOQ
Discussion about this post