Pas deklaratave delirante në Dibër, kryeministri dhe kryesocialisti Edi Rama ka ofenduar sërish burrat shqiptar.
Gjatë një takimi elektoral në Vlorë, Rama tha se ka më shumë besim tek femrat dhe se këto të fundit i ka pikë të dobët.
“Unë besoj që Universiteti i Vlorës ka një potencial të madh të pashfrytëzuar dhe kam shumë besim që jemi në rrugën e duhur.
Ju e dini që unë besoj te gratë më shumë se te burrat, nuk kam ndërmend ta korrigjoj këtë dobësi, kam shumë respekt për ish-rektorin, por jam më entuziast për rektoren“,-tha Rama.
Më tej Rama vazhdoi ofendimet ndaj burrave shqiptar, teksa i quan sërish ‘cyrykë’ dhe se këtë sipas tij e kupton vetëm një pjesë e vogël e shoqërisë.
“Para se të vija këtu, më doli në rrugë një vlonjat dhe më tha: nuk kisha ndërmend të ta jap votën, s’e kam dhënë ndonjëherë, por kësaj radhe do ta jap, se ke thënë se gjysma e burrave janë çyrakë.
Ai e tha shumë vlonjatçe dhe e tha shumë saktë, por s’e themi dot se nuk e kupton pjesa tjetër e Shqipërisë“,-tha Rama.
Discussion about this post