Luiza Gega ka fituar medaljen e artë në Kampionatin e Atletikës që u zhvillua në Mynih. Gega u shpall kampione në 3,000 metra me pengesa me kohën 9’11”31.
Kampionia shqiptare shkoi në finale me kohën më të mirë të regjistruar në fazën kualifikuese dhe ishte pretendente kryesore për të fituar garën. Këtë e tregoi duke diktuar ritmin dhe duke marrë kryesimin që pas 100 metrave të parë.
Askush nuk e mbajti ritmin e Luiza Gegës në këtë garë dhe sportistja shqiptare ia doli të kalonte finishin e vetme duke thyer me 6 sekonda rekordin të vendosur në vitin 2010 nga rusja Zaripova.
Kryeministri Rama reagoi përmes një postimi në rrjete sociale duke u shprehur se është krenar për kampionen shqiptare që i dha zë Evropës me flamurin shqiptar në pistën e atletikës.
Qeveria shqiptare do ta paguajë Gegën për këtë medalje ari me 40 milionë lekë të vjetra.
Gijotina.com ka siguruar dokumentin. Sipas dokumentin nga VKM, fituesit e çmimit të parë në kampionatin europian paguhen me 40 milionë lekë të vjetra.
Discussion about this post