Në prezantimin e projekt-buxhetit për sektorin e Arsimit, ka qenë i pranishëm dhe kryeministri Edi Rama. Gjatë fjalës së rij, Rama tha se mandatin e tretë në qeveri ka objektiv rritjen me 40% të pagave të mësuesve.
“Dua të theksoj se së pari në projekt/buxhetin e 2022 vijon rritja e pagave për të gjithë mësuesit. Projeksioni i yni i mandatit të tretë është që pagat të rriten pa diskutim edhe 32%, por mundësisht të realizojmë objektivin e rritjes 40% të tyre. Tanimë jemi të vetëdijshëm se sa shumë e impaktojnë jetën tonë dhe sa shumë ndërhyrjen në planet tona, ngjarje, që imponojnë ndryshim rrënjësor të tyre”, tha Rama.
Sipas kreut të qeverisë, tani punësimet në sistemin e arsimit kryen me meritë dhe jo me bindje politike.
“Thënë të gjitha këto dhe të marrë parasysh se tani më nuk e diskuton njeri se është hedhur një bazë e fortë në funksion të mësuesve nga ndërhyrjet e jashtme, nga politika, forca e ryshfetit që ka qenë një konstante e pandryshueshme për shumë vite, deri kur është vendosur dhe konsultuar sistemi i ri dhe i rekrutimit të mësuesve. Që mësuesit mos të spostohen sipas tekave apo dëshirave të lidhura me këto fenomene dhe duke iu dhënë atyre një garanci të plotë se vendi i tyre i punës bazohet te merita dhe jo te bindjet e tyre apo lidhjet e tyre farefisnore”, tha Rama.
Rama tha ndër të tjera, se është vendosur një financim për të stimuluar shkollat, nxënësit, mësuesit dhe prindërit, që me këtë pjesë të buxhetit të fillohen të adresohen boshllëqet mes orës së mësimit dhe shtëpisë, duke iu dhënë mundësi nxënësve mësim në art apo dhe për aktivitete sportive.
Discussion about this post