Një tjetër vatër zjarri është shfaqur pasditen e sotme në qarkun e Shkodrës, në zonën e Prekalit. Flakët kanë krijuar një situatë problematike në zonë, e cila shfrytëzohet gjatë verës për plazh, në brigjet e Kirit.
Dyshimet janë se mund të ketë qenë një zjarr i qëllimshëm, ndërsa është kërkuar ndërhyrja e shërbimit zjarrfikës. Për shkak të terrenit ndërhyrja është e vështirë dhe mund të kërkohet shuarja e flakëve nga ajri.
Kujtojmë se zjarret në vendin tonë kanë qenë mjaft problematike përkatësisht në zonën e Vlorës, Lezhës dhe Krujës. Zjarret e mëdha të favorizuara nga era kanë përpirë toka me të mbjella dhe ndërhyrja në disa zona për shkak të terrenit ka qenë mjaft e vështirë. Në disa zona, më konkretisht Krastë të Krujës, Mali i Çikës në Vlorë dhe disa fshatra në Lezhë zjarret kanë qenë të qëllimshme. Ndërkohë, zjarre ka patur edhe në zonën e Fierit, Lushnjë, Shkodër, Durrës por edhe në Gjirokastër. Lufta me ‘flakët’ është prezentë edhe në Evropën Perëndimore ku shumë në shumë shtete zjarri ka ‘përvëluar’ tokat. Kulmi ka qenë në Britaninë e Madhe ku temperaturat shënuan shifra rekord dhe mjaft shqetësuese.
Discussion about this post