Një zjarr i përmasave të mëdha ka rënë në zonën e Bukmirës në Mirditë. Bëhet me dije se në pak minuta zjarri ka përfshirë dhjetëra hektarë tokë dhe po vazhdon të përhapet me shpejtësi në të gjithë zonën. Bëhet me dije se nga flakët po rrezikohen banesat dhe shumë vreshta rrushi.
Kjo është vatra e dytë e zjarrit e shpërthyer brenda pak minutash. Kujtojmë se një zjarr i përmasave të mëdha u raportua më herët në kufirin midis Shqipërisë dhe Greqisë në afërsi të “Piramidës 17” në Kolonjë. Flakët favorizoheshin nga era dhe nga pala greke po ndërhyhet me helikopterë për të bërë të mundur lokalizimin e flakëve.
Discussion about this post