Vitin e ardhshëm qeveria do të financojë katër projekte të reja në infrastrukturën rrugore, çka bëjnë që fondi për këtë zë të shtohet dhe të reduktohet në një tjetër zë. Buxheti i vitit 2022 parashikon 12 miliardë lekë mbështetje për Autoritetin Rrugor Shqiptar për ndërtim dhe sistemim rrugësh. Sipas të dhënave të publikuara në projektligj, 4 projektet e reja përfshinë: Bypassin e Shkodrës; Bypassin e Tepelenës; Rruga-Kardhiq-Delvinë dhe vazhdimi i rrugës Korçë-Ersekë
Pjesën më të madhe të kësaj mbështetjeje, 4.6 miliardë lekë do ta marrë ndërtimi i tunelit të Llogarasë që do të lidhë Orikumin me bregdetin e Himarës. Ky projekt parashikohet të kushtojë afro 19.4 miliardë lekë në total, të shpërndara në 4 vite buxhetore.
Në projektbuxhetin e vitit të ardhshëm qeveria parashikon një mbështetje të konsiderueshme buxhetore edhe për Unazën e Jashtme të Tiranës. Sipas të dhënave të projektbuxhetit, vitin e ardhshëm për këtë projekt pritet të investohen edhe 1.7 miliardë lekë të tjera. Ato do të shërbejnë kryesisht për segmentet e reja të Unazës.
Ndërkohë, fondin për rrugët e frynë edhe rrugët që do të ndërtohen me projekte PPP. Për shembull, 1.5 miliardë euro do të kushtojë ndërtimi i rrugës Milot-Fier. Ky është një ndër projektet më kushtueshëm, i cili do të jepet me koncesion vitin e ardhshëm.
Ndërkohë, në listën e projekteve që do të financohen janë edhe kontratat e koncesionit si ai për “Ndërtimin e Rrugës së Arbrit”, “Ndërtimin e Rrugës Milot-Morinë”, koncesioni për “Ndërtimin e Rrugës Orikum-Dukat dhe “Ndërtimi i Rrugës Milot-Balldre”.
të dhënave, projekte rrugore që do të bëhen me kontrata koncesionare janë. Rruga e Arbrit; Rruga Milot-Morinë; Rruga Orikum-Dukat; Rruga Milot-Balldre, të cilët parashikohen të përfundojnë në 2024. Pra buxheti për rrugët fryhet, për ndihmën ndaj familjeve pakësohen, pasi qeveria ka vendosur një rritje të papërfillshme për ta vetëm 0.3% të PBB
