Në Konferencën Ndërkombëtare të Donatorëve për Ukrainën, kryeministri Edi Rama ka njoftuar se Shqipëria do të japë 1 milionë euro në ndihmë të shtetit që prej më shumë se dy muajsh ndodhet nën agresionin rus.
Në një kohë kur vendi ynë është në krizë nga rritja e çmimeve të hidrokarbureve dhe çmimeve të shportës, Rama vendos që një shumë të madhe parash ta dërgojë për Ukrainën dhe jo t’i përkthejë në politika sociale për qytetarët në nevojë.
“Në këtë konferencë ne do të kontribuojmë me 1 mln euro, e di që nuk do të ndryshoje në përfundimin e luftës pra mënyrën si po zhvillohet lufta, por ne jemi të nderuar që jemi këtu. Jam falenderues për kryeministrin polak që është pjesë e kësaj konference, për të bërë më të mirën për ukrainasit dhe të shohim sa më shpejt paqen”, tha Rama.
Në konferencën e donatorëve që u organizua nga Suedia dhe Polonia, të gjitha shtetet kanë dhënë ndihmën e tyre ndaj Ukrainës, ndërkohë që i pranishëm përmes një komunikimi online ishte dhe presidenti ukrainas Zelensky.
Discussion about this post