Edhe pse prej muajsh qeveria thotë se jemi në krizë dhe iu kërkon qytetarëve të kursejnë, vetë zgjidh qesen për festa. Partia Socialiste do të mbajë një festë më 28 korrik, me rastin e 100-vjetorittë lidhjes me SHBA hapjes së negociatave të anëtarësimit në Bashkimin Europian për Shqipërinë. Lajmin e ka bërë të ditur kryeministri Edi Rama, i cili ka publikuar edhe një poster për këtë festë.
Festa do të mbahet te sheshi “Skënderbej” dhe fillon në orën 19:00. “Bash në 100-vjetorin e lidhjes me Shtetet e Bashkuara të Amerikës, Shqipëria u lidh edhe me BE-në. Në 28 Korrik, fiks në datën e lidhjes së marrëdhënieve me SHBA, ora 19:00, në Sheshin Skënderbej, nis një mbrëmje kremtimi e këtyre dy miqësive të mëdha për shqiptarët e Shqipërinë, me muzikë e me dashuri mesveti”, shkruan Rama krah fotos së postuar.
Nuk dihet se sa është shuma që do të shpenzojë qeveria për këtë festë, por është e qartë që nuk ka për t’u kursyer aspak.
Discussion about this post