Temperaturat e larta kanë krijuar disa vatra të rrezikshme zjarri ditën e sotme, por jo vetëm. Dyshohet se mes zonave ku raportohet se janë djegur dhjetëra hektarë tokë e pyje, janë përfshirë edhe banorë të zonës, të cilët nga pakujdesia tentojnë të djegin barishte të thata.
Mes dhjetëra hektarë tokë bujqësore me pemë frutore, agrume dhe 50 hektarë tokë me foragjere, ditën e sotme flakët kanë djegur dhe një kamionçinë në mes të tokave të fshatit Zham në Lushnje.
Pronari i saj në momentin kur flaket janë përhapur në tokën e tij kishte shkuar për të mbledhur dengje me kashtë, por si rezultat i zjarrit u dogj jo vetëm ngarkesa me bar të thatë, por edhe automjeti.
Discussion about this post