Gianluigi Buffon konfirmoi ditën e sotme se do të largohet nga Juventusi, pas dy sezonesh në Torino, që nga kthimi nga aventura 1-vjeçare te PSG.
Ai pati konfirmuar në një dalje për mediet diçka të tillë dhe më pas ka vendosur ka zyrtarizojë përmes një postimi në Instagram ku ka shkruar plot emocione.
“Çdo fillim ka edhe një fund. Është një vendim i marrë me pjekuri dhe i shpallur muaj më parë tashmë. Por nuk është një vendim i lehtë. Sepse nuk është e lehtë të presësh këtë kërthizë nga historia ime, gëzimi im, lotët, shtëpia ime.
Nuk mund të ketë kurrë një falënderim kaq të madh. Kam dhënë gjithçka. Kam marrë edhe më shumë në këmbim. Ajo që do të vijë është ende për t’u shkruar”, shkruan ndër të tjera legjenda e Juventusit.
