Grupi i këshilltarëve të opozitës në përfundim të mbledhjes së Këshillit Bashkiak akuzuan Erion Veliajn se i hoqi të drejtën e fjalës opozitës, e cila do të denonconte vendimet anti-ligjore që u miratuan me forcën e kartonëve.
Dorian Teliti, nënkryetari demokrat i Këshillit Bashkiak, i ka drejtuar një apel Prefektit të Tiranës që të mos ccertifikojë asnjë nga aktet e miratuara.
“Sot u konsumua një vepër penale. Këshilltarët e opozitës u pritën në mbledhjen e Këshillit nga mbi 30 policë. Veliaj po gabon rëndë, i hoqi fjalën opozitës, mbajti ligjëratë mashtruese dhe u largua”, tha ai.
Nga ana e tij Ilir Alimehmeti nga ana e tij u shpreh kritik për këtë mbledhje. Ai bëri me dije se inceneratorit është në sekuestro nga SPAK.
“Sot Këshilli Bashkiak i vendosi 6 mln euro të tjera në dispozicion inceneratorit që është në sekuestro. Nuk mund të ishim dakord”, tha ai.
Nga ana e tij Endrit Braimllari tha se Veliaj po punon vetëm për interesin e tij personal.
“Veliaj i çon 6 mln euro inceneratorit që është nën sekuestro nga SPAK dhe kjo është absurde”, ka thënë Braimllari.
Discussion about this post