25 maji do të jetë ditë zyrtare pushimi dhe për institucionet arsimore ne Tiranë, jo vetëm për administratën publike për shkak të finales së madhe të Conference League.
Ministrja e Arsimit bëri të ditur vendimin, duke ju referuar mbledhjes së djeshme të këshillit të ministrave.
“Referuar vendimit të qeverisë për shpalljen e datës 25 Maj ditë pushimi për Qarkun e Tiranës, në kuadër të masave të marra për finalen e Conference League, ju njoftoj se të gjitha institucionet arsimore publike dhe private (përfshirë kopshtet, shkollat, universitetet, zyrat arsimore, etj.), do të jenë pushim. Le të jemi të gjithë pjesë e kësaj ngjarjeje të madhe dhe të mirëpresim vizitorët nga e gjithë Europa!”, njofton Kushi.
Ministri i Brendshëm Bledi Çuçi lajmëroi dje se data 25 maj është caktuar me vendim qeverie dite pushimi zyrtar, por kjo vetëm për të gjitha institucionet publike të qarkut të Tiranës.
Ky vendim vjen pas finales së Conference League e cila do të mbahet në stadiumin “Air Albania”, ku ndër të tjera, ministri tha se ata ditë do të bllokohet gjithashtu dhe qarkullimi i makinave në të gjithë Tiranën.
Discussion about this post