Gjykata në Greece ka vendosur masën e “arrestit në burg” për tre nga të arrestuarit e dyshuar për ekzekutimin e një prej figurave të njohura të botës së krimit në vend, Giorgos Moschouris.
Në mesin e të pandehurve ndodhen edhe dy shtetas shqiptarë, ndërsa në total për këtë çështje rezultojnë të përfshirë të paktën gjashtë persona.
Moschouris, i njohur si një figurë e rëndësishme e krimit të organizuar në Greqi, u ekzekutua në prill të vitit 2025 në zonën e Chalandri, pranë një qendre mjekësore. Sipas hetimeve, atentati u krye me armë automatike në një rrugë kryesore, në një sulm të shpejtë dhe të mirëorganizuar.
Autoritetet greke i akuzojnë të pandehurit për një sërë veprash penale, përfshirë pjesëmarrje në organizatë kriminale dhe krime të rënda të lidhura me vrasjen.
Gjatë seancave gjyqësore, të arrestuarit kanë mohuar përfshirjen në ngjarje dhe lidhjet me njëri-tjetrin. Njëri prej tyre ka deklaruar se në momentin e vrasjes ndodhej në një vend tjetër, duke u mbështetur në të dhëna të telefonit celular, ndërsa ka shtuar se nuk i njeh bashkëpandehurit.
“Unë i mohoj akuzat. Nuk kam asnjë lidhje me ta,” është cituar të ketë thënë një prej të pandehurve gjatë deklarimeve.
Sipas hetuesve grekë, atentati dyshohet të jetë porositur nga rivalë të viktimës në botën e krimit, ndërsa hetimet vijojnë ende.
gijotina.com/
Discussion about this post