Vendimi i DASH për shpalljen “non-grata” ka trazuar rrjetin. Ndërsa pak minuta më parë ka reaguar Sekretari Amerikan i Shtetit, Anthony Blinken. Përmes një postimi në Twitter, ai shkruan se SHBA mori vendimin ndaj disa aktorëve në Ballkan të cilët kishin rol destabilizues dhe korruptiv.
“Qeveria e SHBA ndërmori veprime për të caktuar aktorë në Ballkanin Perëndimor për aktivitete destabilizuese dhe korruptive. SHBA dhe partnerët si Britania e Madhe po mbajnë përgjegjës ata që kërcënojnë stabilitetin, përparimin dhe integrimin evropian të rajonit”, shkruan Blinken.
Ndërkohë theksojmë, se sot DASH ka shpallur non-grata edhe disa zyrtarë në Maqedoninë e Veriut.
Discussion about this post