Gjykata Kushtetuese në Itali para disa kohësh mori vendimin që fëmijët të marrin mbiemrat e të dy prindërve. Dhe këtë vendim ka qenë një fëmijë shqiptar i cili ka lindur në 31 maj që e ka inauguruar duke pasur kështu në certifikatën e lindjes të dy mbiemrat e prindërve.
Fëmija është nga një çift i pamartuar dhe prindërit zgjodhën mbiemrin e babait të tij, 21-vjeçarit me origjinë shqiptare, i ndjekur nga mbiemri i nënës së tij, 19 vjeç, nga Kalabria me banim në qytet. Më pas fëmija do të regjistrohet si banor në komunën kalabreze të vendbanimit të nënës.
Sipas rregullave të reja, në pritje të një ligji që përcakton mirë rregullat, në certifikatat e lindjes mbiemri i fëmijës duhet të përpilohet me mbiemrat e prindërve, sipas renditjes që ata vendosin (në fillim babai, pastaj nëna ose anasjelltas). Nëse prindërit nuk kanë marrëveshje për caktimin e mbiemrave, kërkohet ndërhyrja e gjyqtarit.
Prindërit, megjithatë, mund të bien dakord edhe për atribuimin e një mbiemri të vetëm, i cili mund të jetë ose atëror ose nga nëna.
Në qarkore Ministria e Brendshme saktëson se “marrëveshja mes prindërve është thelbësore për t’i atribuar fëmijës mbiemrin e vetëm njërit prej prindërve. Në mungesë të kësaj marrëveshjeje, duhet t’i atribuohen mbiemrat e të dy prindërve, sipas radhës që ata vendosin.
Discussion about this post