Ka nisur Konventa Kombëtare e LSI-së në Pallatin e Kongreseve. Lëvizja Socialiste për Integrim ka mbledhur Konventën Kombëtare ku ka bërë ndryshimin e statutit të partisë.
Silva Caka lexoi para të pranishmëve ndryshimet statutore ku një prej tyre është ndryshimi i emrit të partisë.
“Jam këtu për tu njohur me disa ndryshime në statutin e LSI. Konventa Kombëtare e LSI bazuar në nenin 11.7 të statutit të saj propozon:
Konventa ka të drejtën e ndryshmit të emrit dhe vulës së parisë.
Ka të drejtën e ndryshimit të strukturave të përkohshme”, tha Caka.
Ndërkohë, në fjalën e tij Endrit Braimllari tha se me vendim të kryetares së LSI-së është ngritur një grup pune për ndryshimet statutore. AI theksoi se situata në Shqipëri është më e rënduar se kurrë.
“Dua të falenderoj të gjithë themeluesit e LSI që për 18 vite u bë shtëpia e mijërave të rinjve, duke iu dhënë shansin dhe mundësinë e pjesëmarrjes në vendimmarrje. Kjo është konventa e 5 që mban LSI që prej vendimit për të kaluar në opozitë. Kemi kundërshtuar modelin e qeverisjes aktuale, të bazuara te PPP dhe koncensionet, në favor të klientëve të qeverisë.
Ne kemi dhënë kontribut të vazhdueshëm për reformat, për fat të keq situata është rënduar më shumë se kurrë, sot LSI e konsideron të përmbushur misionin fillestar, koha na kërkon një përgjegjësi maksimale, dhe një përfshirje më të madhe të qytetarëve. Me vendim të kryetares së LSI-së është ngritur një grup pune për ndryshimet statutore.”-tha Braimllari.
Discussion about this post