Kreu i Komisionit Qendror të Zgjedhjeve, Ilirjan Celibashi ka njoftuar se institucioni që ai drejton është gati për zhvillimin e zgjedhjeve vendore të pjesshme, nisur kjo nga vendimi i Gjykatës Kushtetuese për rrëzimin e padisë së “30 qershorit”.
Lajmin e bëri të ditur gjatë konferencës së sotme ku KQZ u mblodh për publikimin e verifikimeve të parregullsive në zgjedhjet parlamentare të 25 Prillit. Kreu i KQZ tha se në procesin e identifikimit elektronik, ishin vërejtur plot 1006 raste të dyshimta të regjistruara si shkelje.
“Raportohet se në Qendra të ndryshme Votimi ka pasur 20 persona të paraqitur me të njëjtin identitet për të votuar sërish. Sipas të dhënave, janë në total, 224 raste të shenjave të gishtave të cilat janë skanuar më shumë se një herë. Ndërsa shenja gishti të skanuara më shumë se 2 herë janë 44 raste. Në 41% të fletave të votimit të cilat janë shpallur të pavlefshme, gabimi ka qenë fakti se është votuar më shumë se një subjekt zgjedhor. Ndërsa në 59% të fletave të tjera të shpallura të pavlefshme, 25% është votuar për një subjekt zgjedhor dhe për kandidatin e një subjekti tjetër 15 % me shënime që pamundësojnë vlerësimin e votës në favor/disfavor të subjekteve, 19 % të tjera”, tha Celibashi.
Sipas kreut të KQZ, do të ketë masa administrative për personat që kanë shkelur ligjin, ndërsa në rast të shkeljeve penale, palët do t’i drejtohen gjykatës.
Discussion about this post