Pas vendimit të Gjykatës Kushtetuese për mos shkarkimin e presidentit Ilir Meta, ende nuk ka një reagim zyrtar nga mazhoranca, por ministrja e Shtetit për Marrëdhënie me Parlamentin, Elisa Spiropali, u kujdes t’i jepte në mesazh këtij të fundit nga Kuvendi.
Teksa po fliste për Reformën në Drejtësi, Spiropali tha se ndonjëherë ndonjë prej këtyre institucioneve intimidohet, duke lënë të nënkuptohet një intimidim të mundshëm të Gjykatës Kushtetuese për vendimin që mori dje. Pa përmendur emra, Spiropali tha se pavarësisht se kush është në krye të shtetit, askush nuk ia hedh drejtësisë.
” Pavarësisht se sa komisione ngrihen ne do të presim me mençuri dhe me durim derisa i fundit të marrë atë që meriton. SPAK të shikojë mirë dosjet që flenë aty, t’i heqin pluhurin, t’i hapë ato. E mbani mend besoj ato hetimet për CEZ-DIA. Ne jemi të vendosur, drejtësi për të gjithë. Pavarësisht kush është në krye të shtetit mendon se mund t’ia hedh por s’ia hedh dot, në fund e vendos sovrani. Për ne është e qartë do të vazhdojmë të qeverisim“, tha Spiropali.
Discussion about this post