Shtatori është lënë në dispozicion për të gjithë ata nxënës që duan të shkojnë për të marrë mësime plotësuese, duke qenë se viti që shkoi ishte i kufizuar për shkollat, për shkak të pandemisë. Mësuesit do të jenë në shkollë që në ditën e parë të shtatorit, në dispozicion të nxënësve që do të paraqiten për mësime plotësuese.
Por për këtë ka një problem, pasi librat duke qenë se merren falas, dorëzohen që në muajin qershor në shkolla nga nxënësit dhe për rrjedhojë, fëmijët nuk kanë më libra. Atëherë, si do t’i bëjnë përsëritjet e mësimeve nxënësit pa libra? A do tu lejohet atyre përdorimi i teksteve shkollore këtë fillim viti në mënyrë që të kenë mundësi të marrin njohuritë që kanë humbur?
