Ish-deputeti Spartak Braho ka komentuar vendimin e SPAK që ndalon publikimin e dëshmive të të penduarit të drejtësisë Nuredin Dumani. Gjatë një intervistë për emisionin “Frontline” në Neës 24, Braho tha se ky vendim merret edhe për të mbrojtur jetën e hetuesve, të cilët mund të marrin kërcënime gjatë punës së tyre. Gjithashtu, ish-deputeti u ndal tek rrjedhja e informacionit e cila sipas tij nuk duhet të prekë vetëm gazetarët, por burimin nga ku del, si hetuesit apo policët. ‘Kjo është pjesë e ligjit procedural penal dhe dispozitave që merren me zbulimin për hapjen e sekretit hetimor. Unë nuk jam dakord me ligjet këtu, meraku është nxjerrjen e hetimeve të Dumanit dhe Enrik Hoxhaj.
Këtu bëhet fjalë për të goditur direkt, apo kërcënime direkte për jetën e atyre që hetojnë. Këto dihen, por ajo që i mungon këtij urdhri është, ndalohet që mediat të merren me deklarimin e tyre, nuk ka faj gazetari…Ky urdhër nuk ka të bëjë me gazetarët me punën e tyre. I referohet edhe një punonjësi të sekretarisë së prokurorisë, apo një polici të thjeshtë.
Pragu i SPAK kalohet kur analizohet dalja e informacionit… Këtu kemi të bëjmë edhe me dezinformacione, me djegie të s’kubeve të kësaj veprimtarie kriminale ku janë të akuzuar dhe mesa di këta të penduar akuzojnë direkt dhe indirekt politikanë dhe persona të tjerë. ka një raport që duhet ndjekur dhe zgjidhur, raport i shtypit, me raportin që vetë SPAK duhet të rregullojë veprimtarinë e tij, tani ka prokurorë llafazanë që mburren. Prokurorët shpesh i hedhin në treg këto gjëra për të parë si do reagohet, në ndonjë rast është edhe pjesë e taktikës hetimore, pra ka edhe gjëra profesionale. …”-tha Spaho.
Discussion about this post