Romelu Lukaku mori shiritin e kapitenit në ndeshje eliminatore të Europianit, aty ku skuadra e Belgjikës barazoi 1-1 ndaj Austrisë. Sulmuesi belg arriti të shënonte edhe golin e barazimit me shirit në krah, por vendimi i trajnerit ka lënë të pakënaqur portierin.
Në mungesë të Kevin de Bruyne, trajneri Domenico Tedesco gradoi sulmuesin e Interit si kapiten, e kjo ka prekur jo pak Courtois, që ka vendosur të largohet nga skuadra kombëtare para ndeshjes që Belgjika kishte me Estoninë. Nga vetë Federata, nuk ka asnjë reagim por mediat belge bëjnë me dije se bëhet fjalë për pakënaqësi.
Megjithatë, vetë trajneri i kishte premtuar se do të jetë kapiten ndaj Estonisë, por portieri duket se nuk ka ndryshuar vendim dhe është larguar nga hoteli, duke lënë të vetme skuadrën dhe ndaj Estonisë, me shumë gjasa do të luajë portieri i dytë.
Discussion about this post