Kryetari i Bashkisë Tiranë Erion Veliaj duket se nuk i rezistoi sërish ndërtimeve në kryeqytet, teksa ka kthyer lëvizjen e betonierëve.
Qarkullimi i kamionëve me material ndërtimi, në mes të ditës në temperatura të larta, në rrugë të mbushura me kalimtarë, është i dëmshëm. Megjithatë duket se Kryetari i Bashkisë nuk i ka marrë parasysh këto detaje, duke vendosur që ato të qarkullojnë lirshëm, vendim i cili disa muaj më parë shkruante “NUK LEJOHEN”.
Madje në atë kohë ai theksoi se ata që kundërshtojnë këtë vendim kërkojnë t’i vendosin gjobë dhe se nuk do të tërhiqet.
Megjithatë sot betonierët qarkullojnë lirshëm çdo ditë, duke u bërë shkak për aksidente, por kryetari i Bashkisë Erion Veliaj e ka bërë tashmë “të udhës” t’i kalojë pa u vënë re këto detaje.
Më herët, Veliaj premtoi se ai nuk do të mbahej mend si Kryebashkiaku i ndërtimit të pallateve, por si duket nuk i ka rezistuar zakonit të tij “të vjetër”.
Vendimi mban mbishkrimin: Është koha për të hedhur beton dhe do të lejohen pa asnjë pengesë.
“Të lejojmë mjetet e tonazhit të rëndë nga e premtja pasdite deri të hënë në mëngjes. Kemi shumë kantiere tona, të bashkisë njëherë. Kemi 10 pallate që sapo kemi nisur në Kombinat ku duhet të shtrojmë pllakat e betonit. Kemi pafundësi objektesh. Sakohë Tirana në këto dy muaj ka një fluks më të vogël prej pushimeve dhe fundjavave në plazh kam marr këtë vendim dhe kam lëshuar këtë urdhër nga kjo e premte. Kjo përfshin dhe operatorët e tjerë. Nuk marr unë as nuk ha presion nga njeri, thjesht është gjëja logjike për tu bërë.”
Discussion about this post