Gjykata ka pranuar kërkesën e kreut te grupit parlamentar të PD-së Enkelejd Alibeajt, duke marrë në shqyrtim vendimin e Zhukrit për statutin e Berishës, i cili njohu vendimet e Komisionit të Rithemelimit të 11 Dhjetorit.
“Ju informoj se sot me date 22.04.2022, gjyqtare znj. Blerina Muça, ne lidhje me kerkesen e paraqitur nga Partia Demokratike e Shqiperise perfaqesuar nga z. Enkelejd Alibeaj, me objekt: Prishjen e Vendimit Nr. 1346/222 Akti, Nr. 3 Vendimi, dates 25.03.2022 te Gjykates se Rrethit Gjyqesor Tirane me gjyqtar Agron Zhukri duke vendosur pushimin e gjykimit ose kthimin e saj per shqyrtim ne te njejten gjykate por me tjeter trup gjykues, vendosi ne dhome keshillimi:
– Pranimin e ankimit te pales ankuese, Partia Demokratike e Shqiperise, perfaqesuar nga Nenkryetari i saj z. Enkelejd Alibeaj, ndaj Vendimit Nr. 3, date 25.03.2022 te Gjykates se Rrethit Gjyqesor Tirane”, deklarohet në njoftimin e Gjykatës së Apelit në Tiranë.
Me pranimin e këtij ankimimi, Gjykata e Apelit Tiranë ka rrëzuar pretendimet e Berishës dhe grupit të mbështetësve të tij, se Alibeaj nuk ka tagrin për të ankimuar vendimin e Shkallës së Parë. Shpesh herë, Berisha anatemoi veprimin e Alibeajt, duke kërkuar tërheqje dhe duke ushtruar presion që mos të dërgojë statutin e 11 dhjetorit në gjykatë. Megjithatë, tashmë mbetet në dorë të drejtësisë, e cila do të vendosë të njohë Statutin e miratuar nga gjyqtari Zhukri, apo ta rrëzojë atë, duke i dhënë të drejtë Alibeajt.
Discussion about this post