Vendimi/ Pas shërbimit 12 orë, efektivët e policisë nuk do të bëjnë as pushime verore

Përmes një urdhri të bërë publik ditën e sotme është bërë me dije se punonjësit e policisë nuk të bëjnë pushime verore këtë vit. Ky urdhër i Drejtorit të Përgjithshëm të Policisë së shtetit, Muhamet Rrumbullaku është lëshuar dy ditë më parë, më datë 18 qershor.

Sipas vendimit, punonjësit e policisë do të jenë të angazhuar nga 20 Qershori e deri me 15 shtator dhe gjatë kësaj periudhe nuk do të mund të bëjnë pushimin veror.

Efektivët do duhet ti plotësojnë pushimet deri në fund të vitit kalendarik 2024.

Po ashtu, nga kjo e enjte fillon edhe shërbimi 12 orë për punonjësit e policisë.

Publikisht, as ministri i Brendshëm Taulant Balla dhe as kryepolici Rrumbullaku nuk i kanë shpjeguar vendimet. Megjithatë mendohet se shkak i vendimmarrjeve është mungesa e stafit në radhët e uniformave blu.