Forca të shtuara të Njësisë Speciale të Kosovës janë vendosur sot në pikat kufitare me Serbinë në veri të vendit, për të mbikëqyrur zbatimin e marrëveshjes së reciprocitetit për tagrat.
Vendimi nuk është pritur mirë nga qytetarët serb, të cilët kanë dalë të protestojnë duke bllokuar rrugën. Njëri nga efektivët e policisë iu është drejtuar në gjuhën shqipe protestuesve serb duke iu thënë se “Protestën nuk ua ndalon askush, mirëpo rruga duhet të lirohet”.
Në një video të publikuar nga mediat serbe, dëgjohet efekti i policisë së Kosovës duke iu drejtuar shqip protestuesve.
“Ose vazhdoni këndej ose ktheheni mbrapa. Protestën askush nuk ua ndalon por rruga duhet mu liru. Vetëm e lironi rrugën, me protestu, protestoni. Besoj që jemi të qartë”, tha ai.
Me vendimin e qeverisë së Kosovës për reciprocitetin, asnjë automjet me targa të Serbisë nuk mund të hyjë në territorin e Kosovës, por duhet të pajisen me targë të përkohshme në pikat kufitare.
