Për vendimin e kreut të Partisë Demokratike, Lulzim Basha për mbajtën e zgjedhjeve në Forumin Rinor të PD, ka reaguar ish-kryeministri Sali Berisha.
Ish kreu historik i PD, ka sulmuar Bashën për vendimin e tij, ku kërkoi të përballet me anëtarët e PD dhe të mos fshihet.
“Ne në këtë betejë kemi probleme të forta të brendshme, peng kryetari ka humbur çfarëdolloj morali, dhe së fundi është vërsulur ndaj organizatës suaj, dhe organizatës së grave, në një hakmarrje të turpshme dhe primitive, po të ishte burrë, vendi i tij duhet të ishte këtu përpara jush, me Belindin, me mua, por i kyçur në zyrën e tij jep urdhra me telefon dhe deklaron uzurpimin e forumit rinor, lidhjes së grave,” tha Berisha.
Berisha ftoi Bashën të marrë pjesë në debat, dhe shtoi se sillet njësoj sikur të ishte shkolluar në Korenë e Veriut dhe jo në Hollandë.
“Askush nga ju nuk është kundër zgjedhjeve, por ato janë kompetencë e juaja dhe vetëm e juaja, do të jeni ju që do të përcaktoni procesin zgjedhor. Kryetari pa parti nuk përcakton dot asgjë, e ka kapur një frikë dhe tmerr nga ju, nga zonjat e PD. Është krejtësisht i pashpresë. I thoni që të mos fshihet, dhe të dalë në debat me ju, po sillet sikur është shkolluar në Korenë e Veriut dhe jo në Hollandë”, shtoi ai.
Partia Demokratike njoftoi disa ditë më parë se Forumi Rinor ka nisur procesin e riorganizimit dhe zgjedhjeve në të gjitha strukturat me justifikimin se kryetarit aktual i ka mbaruar mandati.
Discussion about this post