Në mbledhjen e fundit të zhvilluar Këshilli i Ministrave ka vendosur që të ndihmojë disa sektorë të mbyllin borxhet brenda këtij viti dhe 2022-shi t’i gjejë pa detyrime të prapambetura. Sipas vendimit, kjo do të bëhet përmes rialokimit të fondeve të mbetura nga buxheti i këtij viti. Konkretisht, edhe pushteti vendor do të marrë nga qeveria një shumë prej 500 milionë lekësh apo 4.1 milionë eurosh, në formë transferte specifike, e cila do të shpërndahet, duke marrë si kriter peshën e detyrimeve të secilës prej bashkive ndaj totalit të detyrimeve të prapambetura të muajit shtator 2021.Ndërsa, fondi që do të përdoret për mirëmbajtjen e rrugëve është 2.7 miliardë lekë.
Nuk dihet nëse qeveria do të arrijë të mbyllë nivelin e lartë të borxheve që kanë institucionet publike, por logjikisht sërish barra bie mbi qytetarët, pasi ato para mund të rialokoheshin dhe shpërndaheshin për familjet në nevojë ose për ata që preken nga Koronavirusi. Por jo, qeveria ka vendosur që të jap miliona euro për të mbuluar abuzimet që kanë bërë me fondet publike, duke i vjedhur apo keqpërdorur ato.
Discussion about this post