Qeveria ka vendosur që të rrisë nivelin e gjobave ndaj bizneseve që nuk deklarojnë të dhëna të sakta dhe tejkalojnë afatet për regjistrimet e nevojshme. Konkretisht, sipas këtij vendimi nga momenti që hynë në fuqi gjobat ndaj bizneseve që shkelin ligjin për “Për regjistrimin e biznesit”, do të gjobiten me 60.000 lekë nga 50.000 lekë që ishte deri më tani.
“Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave, Kuvendi i Republikës së Shqipërisë vendosi: Në ligjin nr.9723, datë 3.5.2007, “Për regjistrimin e biznesit”, të ndryshuar, bëhet ky ndryshim: Neni 1 Pikat 2 dhe 3, të nenit 74, ndryshohen, si më poshtë vijon:“2. Deklarimi në regjistër i të dhënave të pavërteta, kur nuk përbën vepër penale, përbën kundërvajtje administrative dhe dënohet me gjobë 60 000 lekë”, thuhet në vendim. Sakaq, vihet re se brenda disa vitesh qeveria ka rritur nivelin e gjobave pasi disa vite më parë ka qenë 15.000, më pas u bë 50.000 dhe tani shkoi në 60.000 dhe nuk dihet në çfarë mase do të shkojë në vitin që vjen.
Ndër të tjera, bëhet me dije se nga moskryerja e detyrimit për regjistrimin fillestar dhe regjistrimet e tjera të detyrueshme, brenda afateve të parashikuara nga ky ligj, përbën kundërvajtje administrative dhe dënohet me gjobë 60. 000 lekë.
E.H/gijotina.com
Discussion about this post