Vendoset lëndë plasëse në biznesin e një gruaje në Tiranë

Një kancelari është shkrumbuar nga flakët e zjarrit gjatë mesnatës së të premtes në Kamzë, ku fatmirësisht ka pasur vetëm dëme materiale.

Policia bën me dije se ngjarja ka ndodhur në Rrugën Teuta, Kamzë, rreth orës 00:25. Zjarri ka rënë në kancelarinë në pronësi të shtetases Xh. Gj., ndërsa dyshohet për vendosje të ndonjë lënde plasëse.

“Më datë 07.05.2022, në Rrugën Teuta, Kamzë, rreth orës 00:25, është konstatuar zjarr në kancelarinë në pronësi të shtetases Xh. Gj., dhe si pasojë ka vetëm dëme materiale. Nga verifikimet paraprake dyshohet për hedhje/vendosje të ndonjë lënde plasëse”, thuhet në njoftimin e policisë.