Abus Rumaisa, ose të paktën kështu prezantohet sipas Antiterrorit shqiptar, është në kërkim pasi jo vetëm lëshon thirrje kundër flamurit shqiptar, por njëherazi e konsideron heroin kombëtar Skënderbeun si simbol kundër myslimanëve.
Ky person, i cili dyshohet të jetë një ekstremist fetar, me anë të disa postimeve në rrjetet sociale ka folur kundër simboleve të një vendi, por gjithashtu ka nxitur urrejtje dhe grindje kundër shqiptarëve.
Antiterrori përmes një oficeri të kontaktit i kërkon Gjermanisë të identifikojë personin që sipas tyre poshtëron simbolet e vendit tonë. Nga të dhënat ai nuk ka hyrë asnjëherë në Shqipëri.
Imami anti-shqiptar është verifikuar nga dy njësi, Antiterrori dhe krimet kibernetike dhe mbas rezultateve , për shkak të deklaratave ekstremiste është angazhuar për identifikimin e tij edhe pala gjermane.
