Barazim 2-2 në ndeshjen Brentford-Tottenham, sfidë e javës së parë në Premier League. Të katër golat u realizuan në pjesën e parë, që ishte spektakolare dhe shumë e bukur. Të parët kaluan në avantazh Spurs.
Goli i pare u shënua me anë të mbrojtësit Romero, i cili u dëmtua dhe u zëvendësua menjëherë. Vendasit reaguan dhe përmbysën rezultatin brenda 9 minutave. Kjo me anë të kamerunasit Bryan Mbeumo me penallti, dhe Yoane Wissa.
Por, skuadra e Ange Postecoglou barazoi me anë të Emerson Royal në “limitet” e fraksionit të parë.
Pjesa e dytë ishte tepër e luftuar, por goli i fitores nuk mbërriti për asnjërën skuadër. Thomas Strakosha e ndoqi gjithë ndeshjen nga stoli për Brentfordin.
Discussion about this post