Siç ishte paralajmëruar edhe më herët, ka nisur grumbullimi i protestuesve të opozitës në afërsi të Gjykatës së Lartë, ku do të mbahet gjyqi për vulën e PD.
Siç shihet edhe në pamje, protestuesit kanë nisur grumbullimin, dhe kanë bllokuar rrugën.
Si pasojë është krijuar trafik i rënduar në afërsi të Gjykatës.
Nga ana tjetër, përpara Gjykatës ndodhen forca të shumta policie.
Protestuesit kanë bllokuar rrugën, duke krijuar kaos në qarkullimin e mjeteve.
Ndërkohë sipas deputetit të PD, Flamur Noka, ata e kanë lajmëruar policinë për zhvillimin e protestës, por nuk është marrë asnjë masë.
“Ne kemi lajmëruar policinë, por nuk kanë marrë asnjë masë. Kështu që ne jemi në protestë, në mosbindje civile, le ta zgjidhin vetë ata. Ta harrojnë se me këto skenarë mund të na ndalojnë. Nuk ka më ndalim. Sot jemi këtu, nesër do jemi përballë SKAPIt, ne jemi përditë në protestë. Nuk ka bandë që na ndalon. Le të bëjnë çfarë përpjekje të duan”, tha Noka.
Discussion about this post